Kuyamba

Para Ŵakhristu ŵakufumba za vocation (panji “kuchemeka”), kanandi tikung’anamura kuti,
“Kasi Chiuta wakunichema ku ntchito yinyake, panji luso, panji mtundu wa ntchito?”

Ili ni fumbo lakuzirwa chomene, chifukwa ntchito iyo tikuchita njakuzirwa kwa Chiuta.
Usange ntchito njakuzirwa, vikupulikikwa kufumba kuti kasi ni ntchito wuli iyo Chiuta wakukhumba kuti tichite.

Mu Baibolo, Chiuta nadi wakuchema ŵanthu ŵanyake ku ntchito zapadera, ndipo wakupereka ulongozgi ku ŵanthu wose pa nkhani ya ntchito yawo. Tizamufufuza mwakuzama nkhani izi za “kuchemeka” mu Baibolo.

Nangauli Malemba ghakugwiliskira ntchito lizgu lakuti “kuchema” pachoko pakuyowoya za ntchito, milimo iyi mu Baibolo yikuyana na ivyo ise tikuti “calling.”

Ntheura, pakwamba tingayowoya kuti:
“Enya, Chiuta wakulongozga ŵanthu ku ntchito, ma profession, na mitundu ya milimo.”

Kweni mu Baibolo, fundo ya kuchemeka njakuzama kuluska chigaŵa chimoza cha umoyo, nga ni ntchito. Chiuta wakuchema ŵanthu kuti ŵaŵe ŵakukolerana nayo mu vinthu vyose vya umoyo.

Ichi chingachitika pera para munthu wazgora ku kuchemeka kwa Khristu kuti wamulondezge.
Kuchemeka kulondezga Khristu ndiko kuli pa mtima pa ma calling ghose.

Kweni tikwenera yayi kusazgapo kuti kuchemeka kulondezga Khristu nkhuchemeka ku ntchito ya mpingo pera.
Ŵanthu mu mitundu yose ya umoyo ŵakuchemeka kulondezga Khristu mwakuyana.